Lærarar til serbreytina á Miðnámsskúlanum í Suðuroy

Miðnámsskúlin í Suðuroy hevur tørv á trimum dugnaligum lærarum til nýggju serbreyt skúlans, ið verður staðsett í skúlanum í Hovi.

Sum lærari á serbreytini fært tú høvi at seta tíni fingramerki á menningina av tilboðnum til ung við serligum tørvi. Serbreytin er fyri næmingar við serligum tørvi, sum ikki eru førir fyri at fylgja undirvísingini í vanligu miðnámsskipanini.

Undirvísingin á serbreytini verður einstaklingalagað undirvísing í smáum bólkum, bæði í vanligum lærugreinum á hóskandi stigi og í sosialum og verkligum førleikum eftir OCN-skipanini.

FØRLEIKAR
Tann, ið verður settur sum lærari á serbreytini, skal hava námsfrøðiliga útbúgving – eitt nú læraraútbúgving, námsfrøðingaútbúgving ella aðra viðkomandi útbúgving innan økið og hava hóskandi yrkisfakligar førleikar.

Eisini skal umsøkjari:

  • vera framfýsin og kunna geva íblástur at menna næmingarnar til samfelagið
  • hava hug og hegni at arbeiða við ungdómi
  • vera framsíggin, tora at ganga nýggjar leiðir og trívast við broytingum
  • kunna arbeiða sjálvstøðugt og hava góð evnir at samstarva
  • hava góð evnir at skipa samstarv við ymiskar samfelagsbólkar
  • hava hug at menna eitt spennandi námsfrøðiligt umhvørvi
    Skúlin fer eisini at leggja dent á, at umsøkjarar hava kunnleika til sernámsfrøði og eru sinnaðir at ogna sær økt innlit og vitan um hetta.

Løn og Treytir
Talan er um trý fulltíðarstørv at seta frá 15. august.

Lønar- og sáttmálaviðurskifti eru sambært sáttmála millum Fíggjarmálaráðið og Yrkisfelagið Miðnám (YF) .Meira fæst at vita um starvið við at venda sær til Guðrið E. Johansen, rektara, á gudrid.johansen@skulin.fo ella á tlf. 288831.

Umsókn
Umsókn saman við CV, prógvum, viðmælum v.m. skulu sendast til mis@skulin.fo í seinasta lagi sunnudagin 20. juni. Setanarsamrøður verða seinni í juni.

Lærarar til Miðnámsskúlan í Suðuroy skúlaárið 2021-2022

Miðnámsskúlin í Suðuroy søkir eftir lærarum til skúlaárið 2021/2022 í hesum lærugreinum:

Alisfrøði, altjóða búskapur, evnafrøði, føroyskt, innovatión, kunningartøkni, landafrøði, miðlakunnleiki, samfelagsfrøði, støddfrøði, sølubúskapur og tónleikur.

Arbeiðið umfatar at undirvísa sambært námsætlanum. Herundir at leggja til rættis undirvísingargongdir og gera undirvísingarfrágreiðingar, umframt at taka lut í øðrum uppgávum, ið ikki beinleiðis eru knýttar at fakligu undirvísingini. Hetta arbeiðið kann liggja uttan  fyri vanliga arbeiðstíð.

Størvini verða sett út frá einari heildarmeting av fakligum førleikum, faksamanseting og persónligum førleikum og kunnu verða sett sum føst størv, ársvikariat ella tímalærarastørv. Fyri at verða settur í fast starv, skal umsøkjarin kunna undirvísa í minst tveimum lærugreinum, ið eru á breytunum á skúlanum.

Útbúgving og royndir

Lærarar skulu hava kandidat- ella masterútbúgving frá lærdum háskúla ella aðra samsvarandi útbúgving, ið gevur førleika at undirvísa á miðnámi.

Námsfrøðilig útbúgving er ein fyrimunur, men ikki eitt krav. Umsøkjarar, ið verða settir, skulu vera sinnaðir at fara undir námsfrøðiliga útbúgving fyri miðnámsskúlalærarar.

Viðkomandi undirvísingarroyndir eru ein fyrimunur.

Persónligir førleikar

Vit vænta, at tú hevur hug og hegni at undirvísa, at tú ert fakliga væl fyri,  at tú vil taka virknan lut í at menna Miðnámsskúlan í Suðuroy og sjálvsagt, at tú trívist saman við ungdómi. Harafturat verður dentur lagdur á góðar málsligar førleikar og KT-førleikar.

Setanarviðurskifti

Størvini verða sett sambært sáttmála millum Yrkisfelagið Miðnám og Fíggjarmálaráðið.

Umsókn

Umsókn við prógvum og CV skulu vera skúlanum í hendi í seinasta lagi fríggjadagin 30. apríl 2021, kl. 12. Umsóknir skulu sendast til mis@skulin.fo.

Nærri kunning fæst við at venda sær til Guðrið E. Johansen, rektara, á tlf. 28 88 31 ella gudrid.johansen@skulin.fo.

X