Mær dámdi sera væl at verða á FHS. Serliga dámdi mær væl handilslærugreinarnar, tí at tær eru sera áhugaverdar og viðkomandi í tí dagliga lívinum. Man lærir nógv um fyritøkur, sum tú sær hvønn dag, men ikki hugsar so nógv um. Skúlin er sera hugnaligur, tað er ikki langt frá lærara til næming, og hetta gevur eitt trygt og vinarligt umhvørvið.

FHS og Búskaparbreyt fyri meg hevur verið sera læruríkt og gevandi. Eg lærdi nógv, serliga innan sølu, innovatión og búskap. Útbúgvingin er serliga góð tvørfagliga, har man ognar sær royndir og fær eginleikar ið beinleiðis eru knýttir at vinnulívinum í Føroyum. Tað at arbeiða ið toymi var eisini stórur partur av útbúgvingini og heilt sikkurt gott at hava við sær víðari í lestrar- og arbeiðslívið. Eg vil viðmæla Miðnám í Suðuroy, tí at skúlin hevur serliga vinarliga atmosferu har, flokkarnir eru relativt smáir. Samskifti millum næmingar og lærarar er tætt. Huglagið á skúlanum er serstakliga gott og man kennir seg sum man er partur av skúlanum beinanveg við skúlabyrjan.