Upptøka

Treytin fyri upptøku á FHS, Hug- og Náttúrubreytini er:

  1. at tú hevur fullført 9. flokk fólkaskúlans ella hevur samsvarandi útbúgving frá øðrum lærustovni
  2. at tú hevur lokið kravdu próvtøkur fólkaskúlans í 9. flokki í skrivligum føroyskum, donskum, enskum og rokning/støddfrøði
  3. at tú hevur lokið munnligu próvtøkur fólkaskúlans í 9. flokki, sum Mentamálaráðið hevur tikið út

Onnur breytakrøv

Á náttúrubreyt skal umsøkjarin hava fingið royndarfyrireikandi undirvísing í minsta lagi 2 ár í alis- og evnafrøði.

Á hugbreyt skal umsøkjarin hava fingið royndarfyrireikandi undirvísing í minsta lagi 2 ár í týskum. Hetta er galdandi fyri umsøkjarar, ið søkja um upptøku at byrja í august 2023 ella seinni.

Á búskaparbreyt (2 ár) skal umsøkjarin hava lokið FHS prógv.

Næmingar, sum hava lokið oman fyri nevndu royndir við nóg góðum úrsliti, kunnu søkja um upptøku á omanfyrinevndu breytum.

Søk um upptøku á www.innskriving.fo ella við at klikka her

X